Barañaingo Osasun Etxe berria euskalduntzeko eskatu du EHEk
BILBO
Larunbatean, abuztuak 26, 12.00etan Barañainen irekiko duten Osasun Etxe berriaren aurrean elkarretaratzeko deia egin du Euskal Herrian Euskaraz-ek. Osasun Etxean herritarren hizkuntza eskubi- deak errespeta daitezela eta bertako langileak euskaldundu daitezela eskatzea du xede. 19.30ean, Udaletxe Plazan izango da elkarretaratzea.
Ainara Oiz eta Garazi Iraizotz Barañaingo EHEko ki- deek atzo egindako agerraldian adierazi zutenaren arabera, udalerriko Osasun Etxe zaharreko afixak elebidunak badira ere, larunbatean irekiko duten Osasun Etxean gaztelania hutsean daude. Azken urteotan, gainera, zerbitzua euskaraz egiteko aukera egon zedin hainbat dinamika antolatu ditu Barañaingo EHEk. Hala nola, «Osasun Etxean euskaraz» lelopeko kanpaina edota hainbat alderdirekin hitzartu duten eta bideratzeko bidean den mozioa.
Euskal Herrian Euskaraz-eko kideek salatu dute Nafarroako Gobernuak Barañaingo herritarren nahia «balioes- ten» duela, eta «karrama- rroen antzera hizkuntza eskubideak etengabe atzeraka» daramatzala gaineratu zuten.
Horregatik, euskara normalizatzeko bidean lanean jarraitu eta larunbateko elkarretaratzeetan parte hartzera deitu zuten EHEko kideek.
|