U.I.

BILBO

Ruben Palaciosek Seguros Bilbao taldearen aldi ona baieztatu zuen atzo Elgoibarren eta denboraldiko hirugarren garaipena eskuratu zuen arabarrak.

Lehendakari Txapelketaren lasterketak 105 kilometro besterik ez zuen, baina hiru mendate guztira, Kalbario eta Azkarate bi aldiz. Azken igoeran, Saez de Arregik erasora jo zuen, baina jaitsieran Palaciosek, Boswoodek eta Iriartek harrapatu zuten. Helmugan, Palacios izan zen azkarrerena.Hortaz, Seguros Bilbaok hiru garaipen erdietsi ditu azken astean.

Bestetik, Elorriaga (Alfus) Aste Nagusiko Kriteriumean gailendu zen atzo, Esteban eta Carrasco taldekideak mendean harturik. Txirrindulariek beste lasterketa bat dute gaur Gernikan, 23 urtez azpikoen mailan. Azkenik, CajaRural, Alfus-Tedes,Seguros Bilbao eta Lizarte talde euskaldunak arituko dira Palentziako Itzulian gaur hasita asteartera arte.