Etxepare Institutuari buruzko legea eteteko eskatu du Aralarrek
GASTEIZ
Etxepare Euskal Institutua sortzeko lege-proposamena bertan behera utz dezala eskatu dioAralarrek Gasteizko Legebiltzarrari. Institutu horren helburuetako bat euskara sustatzea izanik ere, gaiaren inguruko agiri gehienak gaztelania hutsean igorri zizkioten taldeei. Hori ikusirik, Aralarrek lege-proposamenaren epeak eteteko eskatu zuen, harik eta informazio guztia euskaraz izan arte, euskaraz lan egin nahi duten legebiltzarkideen hizkuntza-eskubideak urratzen baitira. «Muzin egiten zaio salatu zuen Legebiltzarraren arautegiaren 2. artikuluari, euskara hizkuntza ofizial izendatzen duen horri, eta horrek euskara lan-hizkuntza ere badela du ondorio zuzena». Legebiltzarraren Mahaiak, berriz, ez du tramitazioa etetea onartu «Jaurlaritzak eskuragarri izan dituen aurrekariak igorri egin dituelako. Mahaiak erabaki du Jaurlaritzari idazki horren berri ematea eta eskatzea ahalegin bat egin dezala bidaltzen dituen agiri eta idazkiak euskaraz ere egon daitezen».
|
