Bizkaiko jardunaldietan 400 kilo ziza banatu dituzte
GADAKAO
Atzo eman zieten galdakoztarrek amaiera bertako Santa Cruz peña mikologikoak urtero antolatzen dituen Bizkaiko ziza-izti jardunaldiei. Aurten, 39. edizioa bete dute jardunaldi horiek.
Larunbatean ziza eta onddo bila Gorbeiara eginiko irteeraren ondoren, lehiaketetako irabazleen izenak eman zituzten atzo: 32. lehiaketa gastronomikoan, non 18 parte-hartzaile izan ziren, Barrengorri elkarteko Borja Gonzalez de Bilbaok lortu zuen punturik gehien, eta kondimentazio askeko lehiaketako garaile Olabarrieta elkarteko Kepa Gerrikagoitia izan zen. Eskola arteko lehiaketan, azkenik, zortzi taldek hartu zuten parte, eta bakoitzak 300 edo 350 ziza barietate aurkeztu zituen. Azkenean, Muskaria taldea gailendu zen.
Antolatzaileen arabera, egun osoan 7.000 lagun inguru bertaratu zen jardunaldietara, eta 400 kilo ziza banatu zituzten. Beren esanetan, eguraldi onak eta onddoen gainean sortutako interesak animatu zuten hainbeste jende joatera.
|
