Euskal preso politikoen enbaxadore bilakatzeko gonbita herriz herri egiten
Arrasaten hasi zen joan den urrian Euskal Herriko txokoak igarotzea aurrez ikusia duen ekimen ibiltaria. Helburu eta aldarrikapen argiak ditu, gainera, egitasmoak: presoen aldeko konpromisoak biltzea herritarren artean, eta gaixo dauden eta zigorrak beteak dituzten gatibu politikoak berehala askatzea.
Konpromisoa. Amnistiaren aldeko Mugimenduak urrian abian jarri zuen ekimen ibi- ltaria hitz bakarrean laburbildu behar izanez gero, horixe izango litzateke hobekien definituko lukeena. Horixe baita, besteren artean, euskal preso politikoen aferak ezinbestean behar duen elementua: gizartearen konpromisoa. Eta horixe da antolatzaileen esanetan, Debagoienean hasi zen eta Lea Artibai eta Sakanaeskualdea igaro dituen ekimenaren helburua ere. Suge baten moduan Euskal Herriko txoko guztiak igaroko dituen ekimena Hernanin dago joan den igandeaz geroztik;atzo manifestazioa egin zuten herrian, aldarrikapenari kalean indarra emanez. Astebeteko gose-greba baliatuz, euskal presoen egoera azalarazteko eta ekimenaren hiru eskariak gizar- teratzeko parada du: gaixotasun larriak jota eta gatibu dauden euskal herritarrak berehala aska ditzatela, zigorrak bete arren Madrilgo eta Parisko espetxeetan barreiaturik dituzten 135 lagunak aska ditzatela, eta euskal preso politikoak, «beren eskubideen jabe», Euskal Herrira ekar ditzatela. Askatasuneko eta Etxerat-eko eledunek eutsi diotegose-greba ibiltariaren testiguari Hernanin, bai eta abokatu batek eta preso ohi batek ere. «Konpromiso teorikotik konpromiso praktikora» igarotzeko eskakizuna etsenpluarekinaldarrikatzen dute modu horretan. GARAk haiekin solasean aritzeko aukera izan du sosegaturik zeuden une batean, egitasmo ugari egiten ari baitira jan gabe dauden egunotan ere. Guztiek argi dute Estatu espainola eta frantsesa preso politikoak «erabiltzen» ari direla eta haiekin «xantaia politikoa» egiten ari direla. Gainera, presoen aurkako erasoak areagotzeaz gain, haien egoera are eta gehiago estutzen ari dira. Horren adibide dira, esate baterako, bizi osoko espetxe zigorrak ezartzea, Iñaki de Juanaren kasua, gaixorik dauden herritarrak gatibu mantentzea edota espetxe barruko bizi baldintzak okertzea.
Konpromisoen gida
Horregatik guztiarengatik, estatuek Euskal Preso Politikoen Kolektiboa ataka batean jarri nahi dutela diote, Kolektiboa bera deuseztatu eta politikoki erabiltzearren. Egoera horretan, beste aldera ezin dela begiratu diote gose-grebalariek, bai eta hura irauliko duen herri mugimendu sendoa gorpuztu behar dela ere. Konpromisoa bere duen herri mugimendua, hain zuzen ere. Herritarren parte-hartzea eta haien konpromisoa elementu erabakigarritzat baitituzte presoen aferari eusteko eta Gobernu espainolak eta frantsesak egiten duten politika aldatzera behartzeko. Gainera, Euskal Herri guztiari dagokion arazotzat jotzen dute presoen auzia, eta herri gisa erantzun beharrekoa. Horregatik ari da Amnistiaren aldeko Mugimendua Euskal Herrian barna ekimen ibiltaria egiten. Bailaraz baila, eskualdez eskualde, herriz herri, euskal presoan enbaxadore, bozgorailu bilakatzeko gonbita herritarrei egiten ari dira. Euskal herritar gehienak euskal preso politikoen eskubideak errespetatzearen aldekoak izaki, gehiengo hori grafikoki eskualdez eskualde ilustratzen dihardute. Gizarte eragileak, politikakoak, sindikatuetakoak, ostalaritza sektorekoak, suhiltzaileak, kultur elkarteak... Orotarikoak baitira tokian-tokian gose-grebalariek garatzen dituzten harremanak. Guztiek konpromisoren bat hartzen dute beren gain. Eta orain, pertsonei eskaintza berbera egiteko tenorean dira. Horretarako, gainera, bitarteko bat osatu dute: konpromisoen gida. Gida bat baino gehiago, proposamen eta iradokizunez osaturiko testua dela azaldu dute sustatzaileek, euskal preso politikoen alde egiteko dauden aukerak jasotzen baititu. Euskal preso politikoen alde egin nahi duen orok eskaintza zabala du Euskal Herrian. -
HERNANI
Gose-grebalarien adierazpenak
«Arrazoizko inork ezin du
onartu»
«Gaur egungo egoerak bultzatu nau gose-greban parte
hartzera, arrazoizko inork ezin baitu onartu euskal presoekin egiten ari diren
basakeria. Gainera, Iñaki de Juana berriro ere gose-greban da. Jendeari nolabait
ohartarazi behar zaio gaur egungo egoeraz, presoak inoiz baino egoera larriagoan
baitaude eta gehiago larritu daitekeelako hemendik eta ez oso denbora askora.
Presoen gaia funtsezkoa da, eta hor herri presioa artikulatzea ezinbestekoa da».
«Espetxeko egoera islatu
behar da»
«Espetxetik atera berria izan arren, ekimen honetan
beharrak eskatzen duelako parte hartu dut. Parte hartzeko aukera nuen eta
horrela egin dut, guztiok hartu behar baititugu konpromisoak. Gose-greba honek
dituen helburuek, gainera, berebiziko garrantzia dute eta indarrez bultzatu
beharrekoak dira. Espetxe barruko gordintasunak kalean ere isla izan behar du;
oihartzuna zabaldu behar da bakoitza bere eremu, erritmo eta errealitatetik
abiatuta».
«Horri muga jarri behar
zaio»
«Ekimen ibiltariaren edukiak bultzatu nau parte hartzera.
Konpromisoak biltzeko ekimena baita, eta lehenbiziko konpromisoa norberarenak
izan behar du. Gainera, preso politikoen aurka hain da nabarmena duten suntsitze
borondate hori, krudelkeria hutsa, gizarteak ulertu beharra dauka horri guztiari
muga bat jarri behar zaiola. Horrek helburu bat baitu: Kolektiboa ataka batean
jartzea. Eta lortzen ez duten heinean, gehiago estutuko dituzte presoak».
«Konpromisoen garaia iritsi
da»
«Konpromisoen garaia iritsi dela praktikan ikusten da.
Gose-greba hau gure konpromisoa nabarmentzeko baliagarria da, baita tresna gisa
baliatzen dugun gizartea aktibatzeko eta konpromiso maila ezberdinak hartzera
gonbidatzeko. Euskal preso politikoei ezartzen dizkieten neurri eta erabaki
politikoei herri gisa aurre egiteko bidea baita konpromisoak hartzea. Xantaia
geldituko duen freno bakarra hori baita, gehiengoak konpromisoak hartzea».
«Hitzetatik
ekintzetara»
«Une oso berezian bizi gara, bultzada berezia behar duen
unean. Gainera, urgentziazko gaiak azaldu dira: gaixo diren presoen afera edota
bizi osoko espetxealdiena. Eta horregatik guztiarengatik planto egin behar dugu.
Presoen gaia, gainera, guztion arazoa da. Eta guztiona denez, guztiok eman behar
dugu zerbait konpontzeko. Mila konpromisorekin lortuko dugu benetakoa:
hitzetatik ekintzetara igarotzea, konpromiso teorikotik praktikora pasatzea».
«Herritarrak, euskal presoen
bozgorailu»
«Euskal Preso Politikoen Kolektiboko abokatu gisa parte
hartzen ari naiz, nolabait, jendea konpromisoak hartzera bultzatzeko. Gainera,
presoen aferari dagokionez, eta ekimenaren bidez egiten ari garen lana kontuan
hartuz, jendeak informazioa era zuzenean ematea eskertzen du. Hitzaldien bidez,
bestetik, herritarrek beren ekarpena egiteko aukera dute, eta, modu horretan,
jasotakoaren bozgorailu bilakatzeko konpromisoa hartzeko aukera dute».
«Gauzak ez dira berez aldatzen»
«Borrokari heltzeko beti daude arrazoiak, eta Gobernuak
presoekin zer-nolako erabilera egiten duen ikusirik, bada, herritar ekimen
ibiltari honetan parte hartzea interesgarria iruditu zaigu. Bestalde,
garrantzitsua da ardurekin gabiltzanok ere gose-greban parte hartzea. Mezu bat
zabaldu nahi dugu : gauzak ez dira berez aldatzen eta bultza egin behar da.
Egungo egoerari herri gisa erantzun behar zaio, eta parte-hartzeak berebiziko
garrantzia du».
La protesta se trasladó ayer al Ayuntamiento de Soraluze
Una manifestación en la que participaron más de 200 personas puso el colofón a la huelga de hambre itinerante que durante esta semana han realizado varios representantes del movimiento pro amnistía en Hernani. Desde ayer la iniciativa se ha trasladado a Soraluze, donde diez nuevos huelguistas proseguiran, desde el Ayuntamiento de Soraluze, con la reivindicación de los mínimos democráticos, así como con la exigencia de la liberación de los presos vascos gravemente enfermos y de los que han cumplido la pena. -
|
