- Errugbia
Bat gutxiagorekin jokatu arren, puntuak etxerako
·Hirugarren minutuan, Bera Berako Truez egotzi zuten partidatik
SPYRO BERA BERA 26
LICEO
FRANCES 24
DONOSTIA
Balentria handia egin zuen atzo SpyroBera Berak, hirugarren minututik aitzinera lagun bat gutxiagorekin jokatu behar izan baitzuen. Gainera, kanpotarrek lau entsegu egin zituzten, etxekoek baino bi gehiago, baina puntuak etxean geratu ziren. Denboraldi honetako estreinako garaipena eskuratu ahal izan zuten.Neurketa ezin okerrago hasi zen donostiarrentzat, hasi eta berehala Truez egotzi baitzuen epaileak txartel gorri bat aterata. Hurrengo jokaldian kanpotarrek entsegua lortu zuten, baina gipuzkoarrek berehala eman zioten buelta partidari, eta atsedenera 20-10 joan ziren aurretik. Bigarren zatian madrildarrek beste bi entsegu egin zituzten, eta 23-24 aurreratu ziren partida amaitzeko ordu laurdena geratzen zenean. Baina Gortka Buenok, zigor-kolpe bati esker, berriro ere aurretik jarri zituen donostiarrak, eta amaierara bitarte horri eusteko modua egin zuten, nahiz eta sufritu ere egin behar izan zuten.
|
