Naji Hakim organo-jotzailea izango da gaur Euskaldunan
DONOSTIA
Naomi Matsui organo-jotzaile japoniarra zen gaur eguerdiko hamabietan Bilboko Euskalduna jauregian kontzertua ematekoa, baina gaixorik zegoela-eta, Libanoko jatorria duen Haji Hakim frantziarra izango da haren ordez joko duena.
Hakim Londreseko Trinity Collegen Musikako katedraduna da eta organoaren arloan nazioartean diren saririk garrantzitsuenak eskuratuak ditu. Sortzaile moduan lan ikusgarria egin du eta organozaleek estimu handia diete bere lanei. Parisko Sacre Coeur basilikako organo-jotzaile titularra izan zen 1985etik 1993ra bitartean eta urte horretan Trinitateko elizara joan zen Olivier Messieanen ordezko izateko. Beste hainbat ohoreren artean, Doctor Honoris Causa da Libanon. Sarrerak 8 euroan salduko dira, Euskaldunako leihatiletan, BBKren kutxazainetan edo Internet bidez.
|
