- Top 14
Avironek kanpoan irabazten ere badaki
MONTAUBAN 17
AVIRON 18
BAIONA
Avironek garrantzi handiko garaipena lortu zuen Montaubanen zelaian. Atsedenera galtzen joan zen, baina bigarren zatian ongi aritu zen, eta denboraldi honetan lehen aldiz irabazi du Jean Dauguer zelaian, eta mailari eusteko urrats ederra egin du.Hala ere, euskaldunek lanean jarraitu beharra daukate dauden zulo horretatik irteteko, baina atzo Montaubanen erakutsitako bidetik jarraitu beharra daukate. Atzoko neurketak bi zati ezberdin izan zituen.Lehenengoan, etxekoak hobeak izan ziren, eta markagailuan eta zelaian nagusi izan ziren.Jokalariak atseden hartzera joan zirenean, 11-3 erakusten zuen markagailuak. Bigarren zatian, ordea, gauzak aldatu egin ziren, eta Avironek hartu zuen partidaren agintea. Orain arte askotan alderantziz gertatu izan da, zuri-urdinak bigarren zatian jaitsi egiten baitira askotan, baina atzo ez zen horrela izan, eta amaieran garaipen garrantzitsua lortu zuten, nahiz eta puntu bakar bategatik izan zen. Orain, datorren ostiraleko derbia dute buruan.
|
