DONOSTIA

Nafarroako bikoarentzat lehen faseko bigarrengo eta azkeneko saioa izango da. Lehenengoan irabazi egin zuten Txapartegiren eta Etxebesteren aurka, eta gaur gauza bera egingo balute, finalerdietan izango lirateke.

Horretarako ordea, Mugertza eta Arrospide menderatu beharko dituzte, eta ez dute batere lan samurra izango. Mutrikuarrak eta leaburuarrak iaz ere erakutsi zuten oso ongi moldatzen direla, eta agian haiek izan daitezke gaurkoa irabazteko faboritoak. Arrospidek Munduko Txapelketan argi eta garbi erakutsi zuen zer-nolako maila zuen, eta lan klase hau beretzat oso egokia da. Mugertza ere ongi aritzen den aizkolaria da, eta eta herritarren aurrean ez du hutsik egin nahiko. Horiek irabaziko balute, lehen postuan bi biko puntu batekin geratuko lirateke, eta azkeneko jardunaldian erabaki beharko lukete dena. Sei proba jokatu beharko dituzte, eta denborarik gutxien pasatzen duenak irabaziko du.