![](/img/p.gif) |
|
![](/img/p.gif) |
![](/img/p.gif) |
![](/img/p.gif) |
FDSEAk Pirinioez gaindiko bidea geldiarazteko eskatu du
BAIONA
Paueko Laborantza Ganberarako hauteskundeak hurbiltzen doazen heinean, FDSEA nekazarien sindikatuak Pirinioez gaindiko bidea bertan behera uzteko eskatu dio Kontseilu Nagusiko presidente Jean-Jacques Lasserreri. Hark datozen egunotan erantzungo duela adierazi du.FDSEAko ordezakariak Lasserrerekin elkartu ziren atzo Pirinioez gaindiko egitasmoaren inguruan informazio gehiago eskatzeko. «Pirinioez gaindiko egitasmoa geldiarazteko eskatu dugu nekazaritzan izango dituen ondorioei buruzko zehaztapen gehiago izan arte», adierazi zuen Ipar Euskal Herriko FDSEAko presidente Jean-Michel Anxolabe- herek. Paueko Laborantza Ganbera Kontseilu Nagusiarekin elkarlanean aritzea nahi du sindikatuak egitasmoak nekazaritzan izango dituen eraginak neurtzeko. Sindikatuak Pirinioez gaindiko egitasmoaren aurkezpen zehatzago baten zain dagoela jakinarazi du. FDSEArekin izandako bilkuratik ateratzean Jean-Jacques Lasserrek ez zuen inolako aipamenik egin nahi izan. Baina Anxolabeherek adierazi zuen Lasserrek «eskaerak ulertu» dituela eta «justifikatuta daudela» esan duela. Kontseilu Nagusiko presidenteak datozen egunetan erantzun bat emango duela adierazi du.
|
|
|
| ![](/img/gora.gif) |
|
![](/img/p.gif) |
![](/img/p.gif) |
![](/img/p.gif) |
|