DONOSTIA

Lehiaketa ofizial bat aurrera eramateko, gutxienez hiru talde behar dira, baina aurten bik besterik izena eman ez dutenez, lehiaketa bertan behera geratu da. Talde gehiago egon badaude, baino arrazoi ezberdinak direla-eta ez dute parte hartuko.

Mutiletan lau pisutan jokatuko dute lehiaketa, eta hutsunerik nabarmenena Beti Gazterena da. Nafarroako Txapelketan ongi ibili arren, Euskal Herrikoan ez du parte hartuko. Berritasuna, berriz, Gipuzkoatik dator, Izaskun lehen aldiz arituko baita.

Txapelketa lau pisu ezberdinetan jokatuko dute, eta bakoitzak bere era izango du. 560 kilotan honako talde hauek hartuko dute parte: Badaiotz, Abadiño A, Abadiño B, Berriozar, Altamira eta Amaiur. Pisu horretan sei talde dira, eta hiru jardunaldiko ligaxka izango dute. Horien ostean punturik gehien batzen dituen taldeak eramango du txapela.

600 kilotan honako tale hauek lehiatuko dira: Kuartango, Abadiño A, Abadiño B, Auzolan, Berriozar, Ñapurrak, Altamira eta Amaiur. Taldeak bi multzotan banatuta arituko dira, eta hiru jardunaldiko ligaxka jokatu beharko dute, eta bakoitzetik hiru onenak joango dira finalera. Guztira, sei arituko dira txapelaren bila.

640 kilotan, berriz, honako talde hauek hartuko dute parte: Kuartango, Abadiño A, Abadiño B, Auzolan, Ñapurrak eta Altamira. Zazpi talde dira pisu horretan, eta hiru jardunaldiko ligaxka jokatuko dute denek denen aurka.

Hiru saio horien ostean lehenengo seiak joango dira finalera. Beraz, azkeneko sailkatua ­zazpigarrena­ geratuko da lehiaketatik kanpo, eta beste seiak joango dira finalera, txapelaren lehian aritzera.

680 kiloko saioan, berriz, honako talde hauek neurtuko dituzten indarrak: Abadiño A, Abadiño B, Ñapurrak, Altamira, Izaskun, Jutsi-Baigorri eta Lagunak Urruña. Hor jardunaldi bakar batean erabakiko da dena, eta saio horren ostean punturik gehien batzen dituen taldeak eramango du txapela.

Faboritoak aipatzerakoan, Abadiño izango da txapel guztiak lortzeko faborito nagusia. Launakakoan argi eta garbi erakutsi du sasoiko dagoela, eta denek izango dituzte galtzak bete lan horiek menderatu ahal izateko. Altamira eta Auzolan izan litezke aurkariak, baina berdeen helburu nagusia amaieran lau txapelekin amaitzea izango da.

Lehen jardunaldia