Batasunak «norabide okerra» aldatu eta Euskal Herria onartzeko eskatu dio Parisi
BAIONA
Batasunak astelehenean eginiko deiari ETAk erantzun diola baina, oraindik estatuen arraposturik ez dela izan adierazi zuten, atzo, Baionan, Jean-Claude Agerrek eta Xabi Larraldek. Erakunde armatua, su-etena indarrean mantentzearekin batera, martxoaren 22an hartutako engaiamenduak betetzeko prest agertzea «biziki garrantzitsutzat» jo zuten mahaikideek, eta gatazka konpontzeko prozesua gauzatzeko aukerak izan badirela berretsi zuten.Madrilgo eta Pariseko gobernuen borondatea, aldiz, ez dagoela argi nabarmendu zuten, eta bereziki Estatu frantsesari jarraitzen duen «norabide okerra» alda dezala exijitu zioten:«Azken egunotan Azkainen edota Urruńan gertatukoa ez da bidea gauzak konpontzeko». Lehenago edo geroago, Parisek bere jarrera aldatu eta gatazka politikoa konpontzeko bideari ekin beharko diola gai- neratu zuten indar abertzalearen ordezkariek. Ildo horretatik, «Euskal Herria onartu eta errespetatzeko» datorren urtarrilaren 27an Uztaritzen aurkeztuko duten proposamena aipatu zuten. Gobernu frantsesari zuzenduko dioten proposamenak onarpen eta errespetu hori bermatuko lukeen esparru berri baten eskema zehazten duela azaldu zuten Larraldek eta Agerrek. Estatu frantsesaren «antolamendu zaharkitua, ultrajakobinoa eta zentralizatua» mantentzea ezinezkoa dela nabarmen- du zuten:«Aski da Europako herrialde gehienek plantan ezarri duten sistema dezentralizatuei begiratzea Estatu frantsesak daukanaren anakronismoa eta baliorik eza egiaztatzeko».
|
