Kontzertua Ezpeletan Gure Irratiaren alde
EZPELETA
Xiripotek, Ezpeletako gaztetxeak, sostengu eguna antolatu du gaurko Gure Irratian abenduan izandako suteak sortutako kalteei aurre egiten laguntzeko. Musika emanaldia baino gehiago izanen da 16.00etatik 02.00ak arte Ezpeletako gaztetxean egingo duten jaialdia.Musika emanaldia iluntzeko zortzietan hasiko da eta gaztetxean bertan arituko dira Maialen Errotabehere abeslaria, Xabaltx, Human Project taldea, Zpez Mukaki, Did y Beltz, Eric2Cire eta Mory sound system. Kontzertuak baino lehen izanen da zer egin Ezpeletako gaztetxean, arratsaldeko lauretatik aurrera Xiripoteko gazteek animatutako zintzur bustitzea izanen da-eta. Gauerdi aldera, berriz, sarrera gisa salduko dituzten txartelen zozketa egingo dute eta sarituak nor izan diren ezagutaraziko dute. Gure Irratiaren aldeko ekimen gehiago ere izanen dira datozen asteetan. Hala, urtarrilaren 28rako Biarrizko Atabalen kontzertu erraldoia antolatu dute.
|
