Ricardo Joven autore eta aktoreak «Yo, mono libre» antzezlana ekarriko du Donostiako Lugaritz kultur etxera. Franz Kafkaren idatzi batean oinarrituta, Teatro Templerekin batera osatu du lana. Gizabanakoaren aldaketa prozesuaz mintzatzen da lanean eta, askeago edota zoriontsuago izatea lortzeko saiakeran huts egin arren, horretarako lanabesak dituela irudikatzen du. Gaurtik igandera bitartean egongo da antzezlana Donostiako aretoan, 20.30ean eta 10 euroko salneurrian.