Ilatargi Astronomia Taldeak bi hitzordu dauzka Arrasaten bihar: hitzaldia Bromatologian doktorea den Bittor Rodriguezen eskutik, eta behaketa astronomiko publikoa Lau bide plazan iluntzeko 22.00etan. Ume eta nagusientzat zirraragarria den estralurtar kontzeptuaren inguruan arituko dira hitzaldian: Egon litezke? Nolakoak izango dira? Bilatzen al dira? Non egon litezke? Aurki ditzakegu? Lurretik kanpoko bizitzari buruz pentsatzeko orduan irizpide kritikoen eta zientifikoen erabilera sustatzea da hitzaldiaren helburua.