GARA > Idatzia > Hemeroteka

DEIA

Mayo eta tentazioa

 Josu Lartategi 2007/8/8

Iban Mayo txirrindulariaren egoera beste askorenaren antzekoa da; arrakasta nahi eta laburbidea hautatu. Ulergarria da. Gizarteak hartaratzen gaitu. Tentazioaren irudiarekin du zer ikusia: sexu araurik gabea, diru zikina, arrakasta eskrupulurik gabea...

Irudi ugari erabiltzen dira. Ezin erresistitzea, tentaldiari ez eustea, arau sozialekin batera etorri izan da beti; hau da, arau batek dio zer den arriskutsua edo gaitzesgarria, eta ondorioz tentaziotzat jotzen da. Lehengoaren iruntzira joanik, kastitatea ez da tentaziotzat hartzen, baina batzuek baloretzat dute; diru garbia ez da tentaziotzat hartzen, baina askok esfortzuaren ordaintzat dute (...).

Eta nik diot: zer gertatuko litzateke dopatzea ezinbestekotzat joko balitz? Txirrindulari bati baino gehiagori aditu diot beharrezkoa dela, osterantzean pelotoiarekin batera joango litzatekeela beti. Arazoa da jendeak, telebistek, audien-tziek eta enparauek ikuskizuna nahi dutela, erakustaldi titanikoak eta ekintza heroikoak. Egun batean bai eta hurrengoan ere bai. Baina Akile aspaldian zendu zen, eta gainera berak ere tranpa egiten zuen.

Imprimatu 
Gehitu artikuloa: Delicious Zabaldu
Igo