Komedia beltza eta samurra da «Lapur zuloa», garratza eta atsegina. Carlos Zabalaren zuzendaritzapean, Joseba Apaolaza, Asier Hormaza, Kontxu Odriozola, Ainhoa Garai, Ainhoa Aierbe, Itziar Ituño, Patxi Barco, Kandido Uranga eta Asier Sota dira antzezlanean parte hartzen dutenak. Obsesioak jotako lau pertsonaiaren bizitzak gurutzatzen dira. Mota guztietako terapiak probatu dituzte: jateari uzteko, erretzeari uzteko, lapurtzeari uzteko... Eta arazo horiek burutik kendu ezinik dabiltza guztiak.