Behean sinatzen dugun Larraintzarko ikastetxeko langileok, ezker abertzaleko hainbat buruzagiren kontra eginiko Polizia espainolaren operazioa dela-eta, non, beste askoren artean, Patxi Urrutia gure lankide ohia atxilotu zuten, zera adierazi nahi dugu.

1-Gure elkartasuna eta babesa adierazten diogu Patxi Urrutiari eta gainerako atxilotuei, eta haien berehalako askatasuna eskatzen dugu.

2-Bakearen eta Euskal Herriko normalizazio politikoarekin arduraturik gauden heinean, salatu egiten dugu operazio horren bidegabekeria, besteak beste, Patxi bake-gizon, euskaltzale eta abertzalearen kontrako politika baten adierazgarria delako eta helburu horietatik urrundu egiten gaituelako.