Phil Cunningham (Edinburgo, 1960) musika-zuzendari eta musikagile aritu da BBC Scotland telebista katean zenbait saiotan. The Highlands & Islands Suite abestia ondu zuen. Birak egin ditu Bonnie Raitt eta Kepa Junkerarekin, eta egun, CAP grabazio estudioa zuzentzen du. Aly Bain Lerwick-Shetlanden jaio zen. Boys of the Lough taldeari lagundu zion hastapenetan. Talde hori gaur egun folk tradizionala lantzen duten talderik onenetakoa da. Boys of the Lough taldearekin egindako grabazioez gain, honako talde hauekin ere jo du: Hue and Cry, Eddi Reader, Fish, Richard Thompson eta Runrig.