Lennart Green mago suediarra da. Kartomagian mundu mailako txapelduna izateaz gain, gainontzeko magoek Munduko manipulatzaile onenetarikotzat daukate; Renne Lavand-ekin batera magia munduaren goren-gorenean kokatzen dute. Egunotan Euskal Herrian izango dugu Green, izan ere, Elgetan eta Gasteizen ikuskizunak egingo baititu. Gasteizen mago direnei zuzendutako hitzaldia emango du, baina gaur Elgetan eskainiko duen ikuskizuna bertaratu nahi duen edonorentzat irekia izango da.