«Pagagnini» Yllana eta Ara Malikianek elkarrekin ekoiztu duten ikuskizun berria aurkeztuko da gaur Bastero kultur etxean. Yllanaren umorea, erokeria eta musika biltzen dituen ikuskizuna izango da. Ara Malikian biolin-jotzaile handia buru dutela, lau musikari ospetsuk, musika klasikoaren historian gertaturiko goi uneen errepasoa egingo dute, helburua harrigarri bezain dibertigarri izango den des-kontzertua eskaintzea izango da. Honela, musika entzuteko modu berri bat egin nahi dute, entzuleak musika pasarteak modu desberdin batean ulertu ditzan.