Javier Cuadrado korrikalariak, bere gaixotasuna gainditu ostean, marka bat ezarri nahi du datorren astelehenean. Zaldibiako Saturdi auzoko baselizatik irten, eta Larraitzko ermitara joan-etorria egingo du. Guztira, zazpi kilometro eta 80 metro daude, eta marka ezarri nahi du, 18.00etan hasita. Korrika ari den bitartean, aizkolari beteranoak arituko dira ermita ondoan. Arria II.a eta Aierbe II.a Altzoren eta Goñiren aurka neurtuko dira zortzi kana-erdikotara.