Ertzaintzak mendizale bat erreskatatu zuen atzo Oñatiko Botreaitz mendi gainean. Dirudienez, mendizalea erori, eta buruan kolpea hartu zuen; konorte gabe ez bazegoen ere, erabat nahastuta omen zegoen Ertzaintzaren helikopteroak bertatik atera zuenean. Informazio agentzien arabera, 11.00 aldera norbaitek Sos Deiak-era deitu zuen, lurrean mendizale bat aurkitu zuela esanez. Erreskatatu ondoren, Galdakaoko erietxera eraman zuten mendizalea.