Estatu frantsesean produktu transgenikoen ekoizpena legez arautua bada ere, oraindik orain legearen zirrikituek arto transgenikoa eta ez-transgenikoa landatzea baimentzen du. Ipar Euskal Herriko lurrek ematen duten ekoizkin nagusienetakoa izaki, hilabete honetan izandako emaitzak garrantzia hartzen du bertako laborantzaren alorrean.

Hala ere, estatuan transgenikoez ¯OGM akronimoaz izendatuak frantsesez¯ laboratzen diren artadiek lur-sailen %0,75 osatzen dute gaur egun. Hori dela-eta, Alerte OGM Euskal Herria kolektiboak bere «kezka» adierazi du, eta «adi» segituko duela orain arte egindako «zaintza eta informazio lanari jarraipena emanez». Izan ere, elkarte honek ohartarazi duenez, Tarn eta Garona eskualdeetan «legez kanpo» genetikoki aldaturiko arto uztak aurkitu ziren joan den uztailaren 10ean.

Iraileko erabakiaren zain

Halaber, kolektiboak oroitarazi du «transgenikoen erabilera ez dela aitzinamendua». Alde horretatik, gogora ekarri nahi izan dute, «AEBetako Laborantza departamentuko iturrien arabera, azken ikerketek OGMak txer- tatzeak ez dituela mozkin handiagoak ematen frogatu dute». Salatu dutenez, «ez da errentagarria, eta 15 bider pestizida gehiago erabili beharra ekartzen du». Orain arteko aurkako jarrera eta ekimenekin jarraitu nahian udari begirako kanpaina hasi dute.

Kolektiboak gutun bat igorri dei herri elkargoei, Ipar Euskal Herriko barnealdean bereziki, herrietan «Hemen OGM kulturarik ez» afixak ezar ditzaten eskatuz. Haien arabera, «opor garaia dela-eta, kanpotik etorritakoek nahiz tokikoek ontzat joko luketelako». Asmoa kontzientziazioa handitzea eta informazioa ahal bezainbeste zabaltzea baita.

Dena den, irailean Parlamentu frantsesak «OGMrik gabe- koak» deitutakoen onarpen mailari buruzko -egun %0,9n- erabakia hartuko du, berez ez baitira transgenikorik gabekoak. Oinarria otsaileko lege moratorioa da, zeinak MON810 mota-ko artorik ez ekoiztea galaraz-ten duen.