Heldu da Korrika Kulturalaren egitarauan murgiltzeko unea. Gaur arratsaldean, Mendizorrotzako kiroldegian, Benito Lertxundik emango dio hasiera ekimen honi. 20.00etan hasiko da hitzordua, eta bertan abeslari oriotarraren azken lana, hots, «Itsas ulu zolia» entzuteko aukera egongo da. Abian da, hortaz, Korrika hasi aurretik Euskal Herria kultura adierazpen desberdinez zeharkatuko duen egitasmoa.