Asier Urbieta errenteriar gazteak «Musika» izeneko film laburra aurkeztuko du datorren larunbatean Washingtongo zinema independentearen jaialdian. Lau minutuko iraupena duen lan horretan ume bat da protagonista; errespetua zer den ikasteko prozesuan musikaz baliatzen den umea. Hilaren 15era arte, «Make a difference» lema hartu duen jaialdian ehundik gora film labur ikusi ahal izango dira, denak elkartasunean eta partaidetzan oinarritutakoak.