«Koplak, Iparragirre, bat-bateko bertsolaritza eta baladak» da hiruhileko honetan Bilbo Zaharra Euskaltegiko Forumak hartu duen gaia. Eta «Bat-bateko bertsolaritza», Uxue Alberdi bertsolari eta idazleak Maialen Lujanbio txapeldunarekin batera jorratuko duena gaur, Euskaltzaindiak Bilboko Plaza Barrian duen egoitza nagusian. Sarrera doakoa da, eta solasaldia 19.00etan hasiko da.