Durangoko Plateruenak Zilar Astea, Joseba Sarrionandiaren inguruan antolatutako aste monografikoaren azken ekimena egingo du gaur. Alberto Erraztik gidatuta, Plateruenatik abiatuko da txangoa 10.00etan eta Sarriren familia ardatz hartuta, Garaizar -aitaren aldeko jatorria- eta Goiuri inguruan -amaren aldeko jatorria- burutuko da. Tartean geldiuneak egingo dituzte, iurretarraren testuak irakurri eta oroimenak plazaratzeko (Aita San Migel plazan, San Mames ermitan edo Ertzilgo garaian, esaterako).