Arratsalde-gauean jokatuko diren partiden artean, aipatzekoa da Alavesek, hirugarrenak, eta Palentziak, laugarrenak, elkarren kontra jokatu beharrekoa (Mendizorrotzako futbol-zelaian, 20.30ean).

Bi talde horiek dira ligan berdinketa gehien lortu dituztenak. Alavesek hamabitan lortu du puntuen banatzea eta Palentziak hamalautan.

Eibarrek, sailkapeneko bigarren tokian denak, Compostelaren -azken dagoenaren- kontra jokatuko du Galizian 20.30ean. Ordu berean neurtuko dira Racing Ferrol eta Barakaldo eta Lugo eta Osasuna B. Bestalde, Lemonak Ponferradina liderra jasoko du 19.30ean. Ordu berean jokatuko du Izarrak Montañerosen aurka. Ordu erdi geroago, Guijuelo eta Sestao River arituko dira elkarren kontra eta Zamora eta Athletic Bren arteko neurketak itxiko du jardunaldia, 21.00etan.