Motxian bertso eskolak antolatutako bertso asteak gaur zabalduko ditu ateak, 22.00etan, Torre Luzeako parkean. Irekierako ekitaldian bertso zahar eta berriak elkarrekin abestuko dituzte, baina aurten berezitasuna dakar urteroko zita honek: bertso guztiak gai beraren inguruko sortak izango dira. Gai hori zein izango den jakin ahal izateko, antolatzaileek bertaratzeko gonbita egin dute. Gainera, kafea eta patxarana banatuko dira. Euria eginez gero, Gaztelekuan izango da.