Interneten garapenari esker, Europan milioi bat lanpostu sor litezke aurrerantzean, Neelie Kroes komisario europarrak adierazi zuenez. «Ikerketa berrienen arabera, teknologia berrien garapen azkarrago batek milioi bat lanpostu sor ditzake» eta «hazkunde ekonomikoa 850 mila milioikoa izan liteke 2015erako». Izan ere, teknologia berrien garapena da aurrerapen horren giltzarria. «Abiadura handiko sareek aurreko mendeetan garraiobideek edo elektrizitateak izan zuten eragin iraultzailea baino handiagoa dute», komisarioaren iritziz.