Iragan sanferminetan Iruñeko karriketan grabatu zuten Bollywoodeko pelikularen lanak berrabiaraziko dituzte igandean, honakoan zezenik gabe bada ere. Beraz, Estafeta eta Mercaderes karrikak 12.40etik 13.15era bitartean itxi egingo dituzte, eta goizeko hamarretatik aurrera bertan arituko da filmaren errodaje taldea. Orain arte grabatutakoa ikusi ostean pasarte batzuk berriro grabatzeko baimena eskatu diote Iruñeko Udalari, irudi gehiago behar zituztela-eta.