Euskararen Nazioarteko Eguna aitzakitzat hartuz, bihar Gari kantariak ahotsez eta erritmoz jantziko ditu Bilboko BBK Aretoan Kirmen Uribe idazleak sortutako zenbait idatzi. Ikuskizunaren funtsa «Bilbo-New York-Bilbo» eleberriaren hainbat testu dira. «Arima baino ederragoa» izeneko saio hau BBK aretoan ikusi eta entzun ahal izango da bihar, arratsaldeko 13.30etan. Sarrera doan izango da eserlekuak bete arte.