Euskara interes hutsagatik babesten duten alderdiak, EHEren jomugan
«Hauteskunde asko izan ditugun arren, euskaraz bizitzeko dugun eskubidea oraindik bermatu gabe dago», salatu zuen atzo EHE Euskal Herrian Euskaraz elkarteak. Maiatzaren 22a heldu bitartean hautagaiak euskara babesteko neurriak «saltzen» arituko direla ohartarazi zuten, eta horregatik, hitzei ez ezik, ekintzei ere erreparatuz, euskararen ofizialtasunaren aurka dauden politikari eta udalak salatzeko eskatu zuten.
GARA | DONOSTIA
Hauteskundeetan euskara botoak erakartzeko gozoki gisa maiz erabili dute politikari eta alderdiek, eta datorren maiatzaren 22an izango diren udaletako, batzar nagusietako eta Nafarroako Parlamentuko hauteskundeetan ere beste horrenbeste gerta daitekeela ohartarazi zuen atzo Donostian Euskal Herrian Euskaraz-ek. Elkartearen aburuz, honako hauteskundeak ez dira «nolanahikoak» izango, «euskarari eta euskaldunoi eragiten dieten erabaki ugari hartuko baitira etorkizun hurbilean», eta hauteskundeetako emaitzek zuzeneko eragina izango baitute horren gainean.
Hamaika hauteskunde egin badira ere, eta ibilbide horretan urratsak eman diren arren, elkartearen aburuz, indarrean dauden esparruei so eginez gero, ezin da baieztatu gaur egun euskaraz bizitzeko eskubidea bermatuta dagoenik. Testuinguru horretan gaitzetsi zuten udal askok euskararekiko erakutsi duten jarrera. Eta hala, hainbat udalek UEMAtik, Udalerri Euskaldunen Mankomunitatetik, ateratzea erabaki zutela gogorarazi zuten, EAJren esku dauden Bermeo eta Arratzuko udalak kasu. Nafarroako Gobernuaren jarrera ere beste hainbeste kritikatu zuten, bere «politika etnozida» eta ofizialtasunaren aurka etengabe azaldu duen jarrera «bortitza» direla-eta.
Euskararen gozokia
Arreta horrenbestez, hauteskunde kanpainan ipini zuten, euren ustez, politikariek orduan edertuko baitituzte euren diskurtsoak. «Ez dezagun ahaztu ordezkariek eta udal taldeek euskara babesteko eta sustatzeko neurriak salduko dizkigutela; [...] euskararen ofizialtasunaren kontra daudenek euskaldunon eskubideak errespetatzeko borondatea erakutsiko digutela». Hortxe dago euskararen gozokia; izan ere, hori guztia hitz faltsutzat hartu zuten elkarteko ordezkariek.
Euskaraz bizitzeko eskubidea errespetatu, bete eta bermatu dadin, hautagaiak euskaldunak izatea «oinarrizkotzat» jo zuten, nekez uler baitaiteke ordezkari horrek ondoren bere egunerokotasunean euskarari lehentasun hori ematen ez badio. Halaber, ordezkari izan nahi duen orok ezinbestean Euskal Herri osoan euskararen ofizialtasunaren alde egin behar duela gaineratu zuten, eta azkenik, inguru euskaldunetako udaletako hautagaiek UEMAren aldeko apustua egin behar dutela.
Gaur egungo egoera zein den eta aipatutako baldintza horiek guztiak aintzat hartuta bozkatzeko eskatu zieten euskal herritarrei, bestela, euskaraz bizi- tzeko eskubidearen urraketa areagotu baino ez baita egingo. Aldi berean hautagai erdaldunak eta ofizialtasunaren edo UEMAren aurka dauden hautagaiak salatuz, «Euskal Herri euskaldunaren aldeko eragile aktibo» bihurtzeko dei egin zieten.
«Euskaldunok gauza asko ditugu bere lekuan jartzeko», ohartarazi zuen EHEk. Horregatik, hauteskundeak baino lehen udalek eta hautagaitzek euskararekiko izan duten jarrera kaltegarriak ez ahazteko eskatu zuten.
Gainditu beharreko oztopo nagusietako bat da bertako hizkuntza lehentasunezkoa izatea eragozten duen baldintza multzoa, EHEren aburuz; hala nola, hizkuntza politika edota espainol eta frantsesaren aurreko mendekotasuna.
El Consejo de los Organismos Sociales del Euskara, Kontseilua, presentó ayer su anuario 2010 sobre políticas lingüísticas en Bilbo, en el que denunció que las administraciones «no han avanzado en la normalización del euskera» y han tomado medidas que «pueden ser consideradas un retroceso», como reducir las ayudas para su estudio. No obstante, su secretario general, Paul Bilbao, aseguró que el euskara mostró «las dos cara de la moneda» porque paralelamente «la ciudadanía expresó su voluntad de vivir en euskera».
Entre los pasos que impiden la normalización de la lengua nacional, destacan los recortes en la euskaldunización de adultos, catalogados como «una generación perdida» que Kontseilua considera «un sector estratégico que hay que volver a impulsar».
También criticó «la experiencia trilingüe» impulsada por Lakua, al tiempo que censuró que en Nafarroa se prime el inglés sobre el euskera.
En cuanto a la labor de las administraciones, Bilbao recordó que en las últimas Ofertas Públicas de Empleo convocadas en Araba, Bizkaia y Gipuzkoa «se ha valorado menos el euskera que hace diez años, limitando el derecho de los ciudadanos a ser atendidos en euskera». Respecto a Nafarroa, criticó que no haya «ningún plan para la euskaldunización» de la administración, como tampoco lo hay en Ipar Euskal Herria, si bien valoró que en esta zona «algunos ayuntamientos han apostado por euskaldunizar a sus trabajadores».
Además de señalar que el anuario tendrá continuidad, reclamó a los partidos que den «un giro radical» a las políticas lingüísticas en la próxima legislatura. GARA
