GARA > Idatzia > Kultura

Estibalitz EZKERRA I Literatur kritikaria

Inteligentzia emozionala (I)

A Room of One's Own» ezagunean Virginia Wolfek bere garaikideek emakume eta gizon idazleen literaturari buruz zuten iritziaren analisi interesgarria eskaintzen du. Wolfek esaten duenez, bere garaikideek emakume idazleek sentimenduei buruz idazteko (hortik «sensation novels» izendapena) joera naturala dutela defendatzen zuten. Bien bitartean, gizonezko idazleek gai «nobleagoen», hots, intelektualagoen gainean idazten dutela argudiatzen zuten, hala nola gerraz, historiaz, eta abar. Ilustraziotik sentimenduak intelektuaren azpitik jarri izan direla jakinda, ez da harritzekoa Wolfek aipaturiko sailkapena emakumeen literatura bigarren mailakotzat jotzeko baliatu izana.

Duela gutxi Jane Austenen literaturari buruzko artikulu arras interesgarria irakurri nuen egunkarian. Artikulu egileak, unibertsitateko irakaslea, bere garaitik hona Austenen nobelek izan duten harrera aztertzen zuen harrera horretan «sentimental» etiketak jokaturiko rola abiapuntutzat hartuta. Wolfek aipaturiko sailkapena tarteko, bere garaian Austenen lana goi zein klase ertaineko etxekoandreei zuzenduta zegoela uste zuten askok. XX. mendeko bigarren erdialdean, baina, Austenen lanen sakontasunaz hitz egiten hasi ziren hainbat literatur kritikari eta unibertsitate irakasle. Beren aurrekariek neskato maiteminduen gorabehera hutsaltzat jo zituzten horien atzean, tradizioaren izenean emakumeak jazartzen dituen gizarteari zuzenduriko kritika zorrotza dagoela argudiatzen dute kritikari eta irakasle horiek. Are gehiago, Austenen nobelak inteligentzia emozionalaren adibide direla esaten dute, gaurkotasun handiko gaia berau.

Imprimatu 
Gehitu artikuloa: Delicious Zabaldu
Igo