GARA > Idatzia > Kultura

Jokin de Pedro eta Marie-Aude Murailen gazteentzako liburu bana eman ditu Elkarrek

p054_f02.jpg

GARA | DONOSTIA

Tituluak aurreratzen du Jokin de Pedro bilbotarrak idatzitako liburuaren mamia. «Izu-izua» lanak misteriozko hiru kontakizun biltzen ditu, suspentsea eta izuaren artean dabiltzanak. Lehenengoan, kartzelatik ihesi doazen bi morroietako batek bere besoa moztera derrigortuta ikusiko du bere burua onik atera ahal izateko; bigarrenean, herrixka txiki bateko bizilagun eta etxe misteriotsuek amesgaizto bat bizitzera eramango dute protagonista; azkenengoan, berriz, jaun baten eta bere morroiaren arteko harreman bitxia jorratzen du.

Bestalde, Aiora Jakak Marie-Aude Murail frantziarraren «Maite-Maite ile-apaindegia» lana ekarri du euskarara. Louisek astebetez praktikak egin behar ditu, eta amonari ile-apaindegian egin ditzakeela otu zaio. Louisen aita zirujauarentzat hori analfabetoentzako lana da baina Louis gustura ibiliko da lan horretan.

Bi liburuak Taupadak bildumakoak dira, 13 urtetik gorakoei zuzenduta.

Imprimatu 
Gehitu artikuloa: Delicious Zabaldu
Igo