Poltsiko Antzerkiaren Jaialdia formatu txiki eta ertaineko antzerki-ikuskizunen erakustaldiaren 22. edizioa maiatzaren 2 eta 19 bitartean ospatuko dute Donostiako hainbat auzotako taberna eta aretoetan. Egitarauan musika, bertsoak, antzerkia, magia eta bakarrizketak bateratzen dituzten proposamenak aurkitu daitezke, eta antzerkia ikusteko ohiturarik ez duen publikora gerturatzea du helburu, formatu desberdinak eskainiz. Aurtengo edizioan parte hartuko duten taldeen artean, Las Torpedolevel, Patxi Santamaria, Ze Onda, Khea Ziater, Zuhaitz Gurrutxaga, Txus Blues & Jose Blufingers, Detritus Teatrus, Hnos. Bolinga, May Gorostiaga, Sinónimos Flamencos, Oh My God!, Barry Barrez & Baltziskueta eta Riki Lopez daude.