- CFA
Genets-ek gorantz hasteko aukera du
ANGELU
Pasa den astean, Poitiers, mailari eusteko borrokan duten arerio zuzenetako bat, menderatu ostean, gaur gauza bera egin behar du Genetsek, Montuclonen aurka, Saint Jean zelaian, 19:00etatik aurrera. Angeluarrak baino bi postu atzerago dago gaur SaintJean zelaian bisitari izango duen taldea, baina puntu kopuru bera dute. Gaur menderatuta, atzean uzteko aukera paregabea izango dute Cazesen mutilek; galduta, berriz, haiek aurrera egingo lukete, eta berriro ere jaitsierako postuak gainean izango lituzkete. Azkenaldian emaitzak lagun izaten ari dira hori-berdeen artean, eta Barsacq bihurtu da izar nagusia. Jokalari garrantzitsua izan da, gol asko egiten dituen horietakoa, baina iazko lesio larriaren ostean, asko kostatu zaio lehengora heltzea. Behin hori lortuta, partida guztietan golak egiten ari da.
|
