- CFA
Genetsen norgehiagoka bertan behera utzi dute
ANGELU
Genetsek gaur 16.00etatik aurrera Bordelen Girondins Bren aurka jokatu beharreko norgehiagoka bertan behera geratu da. Azken egun hauetako euriteek jokatu beharreko zelaia ez dute egoera onenetan utzi.
Partida jokatzeko aukera bakarra Girondinsen lehen taldeak jokatzen duen zelaian egitea zen, baina hark ere gaur Lehen Mailako partida duenez gero, eta zelai hura ere baldintza nahiko kaskarretan dagoela kontuan hartuta, azkenean neurketa atzeratzea erabaki dute.
Orain bi taldeek ados jarri beharko dute partida hori noiz jokatu erabakitzeko, bestela Federazioak jarriko baitu eguna. Partida oso garrantzitsua da bientzat, biak baitaude jaitsierako postuetatik oso gertu. Joanekoan, Genets bost minuturen faltan 3-1 irabazten ari zela, Bordelekoak partida berdindu zuten.
|
