- Trontza
Esnaola anaiek aise irabazi dute Gipuzkoakoa
·Legorretako bikoak hasieratik bukaerara menderatu zuen lehiaketa
ASTIGARRAGA
Esnaola anaiek jantzi zuten atzo Astigarragan Gipuzkoako txapela. Legorretako anaiak ziren garaipena lortzeko faboritoak, eta atzoko finalean jaun eta jabe izan ziren.Jendetza handia batu zen Astigarragako plazan saioa ikusteko. Hiru bikote ziren lehian, eta bakoitzak kana-erdiko bati hamabi epai eman behar izan zizkion etzanda, eta beste sei zutik. Esnaolatarrak hasieratik aurreratu ziren, eta etzanda egin beharreko estreinako lanak amaitzerakoan 23 segundo kentzen zizkien beste bi bikoei, haiek batera amaitu baitzuten etzandako estreinako lana. Alde hori, ordea, handitu egin zuten zutikako lanean, eta hortxe erabaki zuten finala. Zutikako lanak amaitu, eta berriro ere etzandakora pasatu zirenean, minutu eta 21 segundo ateratzen zizkien Orbegozotarrei, eta dena erabakita geratu zen.
|
