Iruñeko manifestazioari atxiki zaizkio LAB eta ANV
BILBO
Iruñeko hainbat eragilek Auzitegi Nazional espainolaren aurka igandean 12.00etan egingo duten manifestazioari atxikimendua adierazi diote LABek eta ANVk eta bertan parte hartzeko deia zabaldu zioten euskal gizarteari. Sindikatu abertzalearen ustez, justizia auzitegi hori eta oinarrizko eskubide zibil eta demokratikoen errespetua «bateraezinak» dira.«Auzitegi bereziek ez dute legitimitate demokratikorik, bakarrik une bakoitzean egin ahal duten zerbitzu politiko eta errepresiboa», plazaratu zuen LABek prentsa adierazpen baten bidez. Bestalde, ANV-EAEk Auzitegi Nazional espainola, besteak beste, euskal gazteria suntsitzeko instrumentua izaten saiatzen dela salatu zuen eta horrek «salbuespen estatu baten aurrean gaudela adierazten» duela nabarmendu zuen.
|
