Landa-biodibertsitatea bistaratu dute Mutrikun
MUTRIKU
Mutriku Natur Taldeak antolatuta, bigarren urtez Nekazaritza Biodibertsitatearen Erakusketa izan zen atzo herrian. Bertan ikusgai izan ziren 21 babarrun klase bertakoak gehienak eta Asturiasko baten bat, 28 piper klase denak bertakoak bat izan ezik, 37 tomate mota 13 bertakoak eta besteak Peru, Errusia edo Zeelanda Berrikoak besteren artean, 16 kuia mota eta beste hamaika barazki mota: laboreak, ilarrak, babak, zerbak, tipulak eta luzokerrak tartean. Erakusketa berezi eta koloretsu horren helburua kolore guztietako barazki aleak ikusi ahal izan ziren biodibertsitatearen alde egitea zen. Hala, Mutriku Natur taldeak bertako barazki eta fruituak ezagutarazi nahi izan zituen, horiek bizirik irautearen garrantzia nabarmentze aldera.
Atzoko ekimenaren asmoa, beraz, garbia zen: elikadura kate erraldoiek ezkutuan uzten dituzten produktuekiko jakin-mina piztea kontsumitzailea- rengan, eta ekoizleak bertako askotariko barazki klaseekin lan egitera animatzea.
|
