Avironek mailari eusteko urrats handia eman du
·Garaipenaz gain, zuri-urdinek puntu gehigarria ere lortu zuten
AVIRON 44
MONTPELLIER 14
BAIONA
Avironek mailari eusteko beste urrats bat eman zuen atzo Montpelierri astindua eman ostean. Garaipenaz gain, bost entsegu ere egin zituzten, eta horri esker puntu gehigarria ere lortu zuen atzo Avironek, eta atzetik dituen taldeak geroz eta atzerago utzi ditu. Partida garrantzitsua zuen atzo Avironek, ezin zuen hutsik egin, bestela arriskuko postuak geroz eta gertuago izango baitzituzten, baina Lapurdiko hiriburukoek egin beharreko guztiak ongi egin zituzten. Atzean ongi aritu ziren, baloia ongi mugitu zuten, eta erasoan ere ez zuten hutsik egin, bost entsegu gauzatu baitzituzten. Hori gutxi balitz, ostikoekin ere huts gutxi egin zituen Dourthek. Bost entseguak transformatu zituen, eta hiru zigor-kolpe ere gauzatu zituen, eta azkenean garrantzi handiko garaipena eskuratu zuten. Hastapenetik atera ziren zuri-urdinak garaipenaren bila, eta Montpellierri pentsatzeko ere betarik ez zien eman. Merezimendu osoz lortu zuten garaipena. Atzoko garaipenak lasaitasun apur bat emango die, baina hala ere, hemendik aitzinera ere lanean jarraitu behar dute.
|
