- Top 14
Avironek mailari eusteko beste urrats bat eman du
AVIRON 17
BRIVE 11
BAIONA
Avironek maila nagusiari eusteko urrats handia eman zuen atzo Brive menderatuta, eta, hala, atzetik dituen taldeei tartea egiten ari da. Hemendik aurrera gauzak oso gaizki egiten ez badituzte, zuri-urdinak onenekin jarraitzeko moduan izango dira.Partida ederra ez zen izan, baina bai gogorra eta emozio handikoa. Lehen zatian Dourthek aurretik jarri zituen euskaldunak zigor bati esker, baina beste zigor bat eta entsegu bat gauzatuta, kanpotarrak 3-8 aurreratu ziren. Gero, Dourthek emaitza murriztuta joan ziren atseden hartzera. Bigarren zatian, euskaldunak hobeto aritu ziren, eta izandako aukerak ongi aprobetxatzen jakin ostean, puntuei eusteko modua egin zuten.
|
