DONOSTIA
Nazioarteko Antzerkiaren Eguna hainbat ekitaldirekin ospatu zen atzo Euskal Herriko hainbat puntutan.
Donostiaren kasuan, Udalak saria eman ohi dio urtean zehar hiriburuan eskaini den euskarazko produkzio onenari, eta aurten “Kaukasiar kreazko borobila” lanak jaso du. Guztira zazpi antzezlan sartu dira aurtengo sarien lehian.
Sari ematea atzo egin zen Egiako kultur etxean ospatu zen galan, eta Théatre de Chiméres eta Pok taldeetako arduradunek Koldobika Jauregik eginiko “Basoa” lana jaso zuten. Ondoren, gala berean antzerki lana ikusteko aukera izan zuten bertara joan zirenek.
Bertold Brecht-ek idatzi eta Itxaro Bordak euskaratu duen “Kaukasiar kreazko borobila” euskal antzerkigintzaren historian mugarritzat jo du epaimahaiak. Berrogei lagun aritzen dira oholtza gainean eta lan handia izanik, Izpuran estreinatu zenetik ez da aukera askorik izan ikusteko. Atzo Donostian eskaini ondoren Bordelen ikusi ahal izango da astebetez.
