- Areto Futbola (Ohorezko Maila)
Ikuskizuna emanez irabazi du Hegoalde Tolosakoak
DONOSTIA
Hegoalde Tolosakoak 9 eta 5 irabazi zion Preconte Teide taldeari. Badirudi hemendik amaierara geratzen diren partidak nahiko lasai igaro ditzakeela, heldu den urtean Ohorezko Mailan jarraitzeko moduan izango baitira.
Kanariarren aurkako partida bizi-bizia izan zen, eta Usabalgo harmailetan batu ziren zaleak gozatu ederra hartu zuten. Lehen zatian gipuzkoarrak 3-1 aurretik zirela joan ziren atseden hartzera, baina bigarrena hasi eta berehala partida ia erabakita utzi zuten, 6-2ko partziala lortuta.
Baloia oso azkar ibili zen alde batetik bestera, eta goleko aukerak etengabeak izan ziren. Azkenean zaleek hamalau gol ikusi ahal izan zituzten, eta hori goi mailan ikustea ez da batere erraza.
Hegoalderen aldetik, Maiderrek hiru gol egin zituen, Vickyk eta Isak bana, eta Miriamek eta Aldek bana.
|
