EUGI 22

BENGOETXEA VI 20

DONOSTIA

Izerdia majo bota behar izan zuen Patxi Eugik Oinatz Bengoetxea menderatu eta final-laurdenetarako txartela lortzeko. Neurketa bi zati erabat ezberdinek osatu zuten. Lehen erdian, Leitzako aurrelaria partidan oso sartuta ikusi genuen, sakea bikain baliatuz ­5 sartu zizkion Eugiri lehen tantoetan­ eta bote handiko pilotarekin kantxan zuloak irekitzen. Bigarren zatian, ordea, Patxi Eugik urduritasunak ahaztu eta pilotakada indartsuak joz lehiaren agintea hartu zuen. Oinatz fisikoki behera etorri zela ikusita, aurrean tanto batzuk sartu zituen ­bi-paretez bat eta lau dejadaz­ 10 eta 0eko partziala lortuz. Amaiera estua izan arren, Eugiri ez zion garaipenak ihes egin.