DONOSTIA

Zestoarrarekin batera, kirolari hauek lehiatuko dira: Lertxundi, Eizmendi, Irigoien, Izeta III.a eta Izeta IV.a. Kirolari bakoitzak 125eko zilindro berria, 112,5eko kubikoa eta 100 kiloko bola erabiliko ditu.

Joseba Ostolatza: Zestoarra da txapela lortzeko faborito nagusia. Harri hauek onak dira beretzat, eta Urrezko Harri-jasotze Lehiaketan argi eta garbi utzi zuen oso ongi zegoela.

Izeta III.a: Bigarren posturako lehia ederra izan dezake Aimar Irigoienekin. Harri hauekin oso ongi moldatzen da, eta lan bikaina egiten saiatuko da, nahiz eta Ostolatza gainditzea oso zaila izango dela jakin.

Aimar Irigoien: Errezildar gaztearentzat ere ez dira harri txarrak. Harentzat ere zaila izango da Ostolatza gainditzea, baina saiatuko da bai bera eta bai Izeta III.a ere estutzen.

Izeta IV.a: Aiar gaztearentzat ez dira harri txarrak, eta horiekin ongi ikasteko ere, etxean ez dauka maisu txarra. Lan on bat egin eta ahalik eta posturik onena lortu nahiko du.

Lertxundi:Harri-jasotzaile berria da, baina BigarrenMailako Urrezko Harri-jasotze Lehiaketan maila onean aritu zen. Izen garrantzitsu asko izango dira finalean, eta bere helburua ahalik eta lan onena egitea izango da, baita ahalik eta posturik onena lortzea ere.

Eizmendi: Lertxundirentzat esandako guztia balio du honentzat ere.

Gaur Usurbilen jokatuko duten harri-jasotzaileen txapelketa ez da lehiaketa bakarra izango, Gipuzkoako zaku-eroate eta lokotx-biltze txapelketak ere izango baitira 11.30ean hasita.

Harri-zulatzaileak

Sokatira