GARA

DONOSTIA

Floren Nazabalek hirugarren urtez jarraian irabazi du Urrezko Kopa. Donostiako Trinitate plazan jokatu ohi den lehiaketan aise nagusitu zen nafarra Joxe Mari Olasagastiren eta Iñaki Azurmendiren aurretik, baina etxarriarrak ez zuen lortu probako errekorra ­27 minutu eta 17 segundo, Donato Larretxeak 1995ean­ hobetzea.

Nazabalek laugarren enborrerako ireki zituen lehen aldeak. Olasagastirekin batera bota zituen lehen hiru egurrak, baina hortik aurrera bakarrik aritu zen. Igeldoko aizkolaria pixkanaka atzeratzen joan zen eta lan erditan Peñagarikanorekin ia berdinduta zegoen.

Azkenean, ordea, Olasagastik ongi eutsi zion bigarren postuari eta Iñaki Azurmendi izan zen ezustean hirugarren lekuraino igo zen gizona. Joxemiel Peñagarikanok indarra galdu eta bosgarren amaitu zuen Joxe Juan Barberena lekunberriarraren atzetik.

Sailkapena