-Aizkora (Txapeldunen Liga)
Floren Nazabal ez da biharko finalean arituko
DONOSTIA
Floren Nazabalek ez du bihar Pobesen jokatuko den Urrezko Aizkolarien Txapeldunen Ligako finalean parte hartuko. Etxarriko aizkolariak gerriko arazoak ditu, eta ez dago lehiatzeko moduan.
Orain dela bi aste ere erakustaldi batzuk bertan behera utzi behar izan zituen arazo beragatik. Joan den igandean jokatu zuten Nafarroako Lehen Mailako kanporaketarako ere zalantza zen, baina azkenean parte hartu zuen. Berriro ere, ordea, ezinean dabil, eta hurrengo helburua hil honen 22an Tolosako zezen-plazan jokatuko den Euskal Herriko Txapelketako finalerako prest egotea izango da.
Haren ordez ez da beste aizkolaririk sartuko, eta azkenean Arrospide, Mindegia eta Larretxea arituko dira lehian. Hiru horiek Urrezko Aizkolarien Munduko Txapelketan parte hartzeko txartela segurtatuta daukate.
|
